OROKORRA - Page 14 of 21 - Antoniano Ikastetxea

Aurreko ostegun eta ostiralean ikastetxean Workshopak antolatu genituen. Bertan, gure ikasleek, LH5etik hasi eta DBH2ra artekoek, tailer desberdinetan parte hartzeko aukera izan zuten. Laugarren urtea izan da, eta lortutako emaitzak ikusita, gehiago ere izango dira! Hona hemen, link  honetan tailerretan grabatutako bideoekin egindako montaia. Goza ezazue!

Azken urteotan egin dugun bezala, ikasturte honetarako ere Jardunaldi Pedagogiko interesgarriak antolatu ditugu.  Edonorentzat dira irekiak. Animatu!

Eman diegu hasiera WORKSHOP-ei. LH5, LH6, DBH1 eta DBH2ko ikasleak nahasirik egingo dute lan, gai ezberdinetako tailerretan parte hartuz, bakoitzak bere interesguneen arabera aukeratutakoak. Mendiko bizikleta, gozozaleak, argazkigintza,diseinua, orientazia, txiki txef eta goma eva eskulanak. Gusto guztietarako dago! Datorren astean gertatutakoaren kronika!

Aurten ere ospatu dugu San Tomas eguna. Ederki ibiki gara, abestiak, txistorra, jokoak… Giro bikaina izan dugu. Argazkiak Alexian dituzue eta jaialdiko bideoak youtuben.

Antoniano Ikastetxeko hezkuntza komunitate guztiak urte berriarekin batera zuen ametsak bete daitezen opa dizuegu.  2020an ere bihotzez lan egiten jarraituko dugu!

Gure ikasle den LH 4ko Maite Beisteguik, FEGUIAPA XXXIV Christmas lehiaketa irabazi du!!! Zorionak!!

Olentzero eta Mari Domingi eskolan izan ditugu. Haur Hezkuntzako ikasleekin bildu dira eta guztientzat gelan jolasteko opariak eta bizkotxoak banatu dituzte. Mila esker Olentzero eta Mari Domingi!

Dagoeneko Gabon garaia iritsi da eta urtero bezala elkarrekin ospatu nahi dugu San Tomas bezpera datorren ostiralean, abenduaren 20an. Egun horretarako egitarau berezi bat prestatu dugu! Ostiralera arte!

“Morokil” edariaren inguruko tailerra izan dute gaurkoan LH eta DBHko jangelako erabiltzaileek. Morokila artoz eta irinez eginiko edari energetikoa da, eta garai batean gure aiton-amonen gosaria izan ohi zen, baserri askotan. Morokilaren osagaiak: arto irina, behi esnea (intolerantzientzako beste esne mota bat erabili da) eta azukrea (diabetikoentzat Stevia).

NAZIOARTEKO EUSKARAREN EGUNA 2019 Atzo, abenduak 3. Gure ama hizkuntzaren nazioarteko eguna, non lehenengo hitzak esan, ikasi, bizi eta amets egiten dugun hizkuntzaren eguna. Egun osoko ekintza zoragarrietan parte hartu genuen, euskaraz kantu egin, euskara dantzatu eta txokolate bero goxo goxoaz ere gozatu genuen. Eskerrik asko hurbildu zineten guztioi! Ederki pasa genuen!