Ikasleak erdigunean jarriz, hauen garapen pertsonala osotasunean lortzea dugu helburu, hezkuntza komunitate osoaren lankidetza estuaz.

Ikaslearengan gaitasun eta jokaera kritikoa, zuzentasuna, erantzukizuna, autonomia, elkartasuna eta elkarrenganako begirunea sustatzea ditugu helburu.

Kalitatezko hezkuntza eta zerbitzu osagarriak ematearen asmoarekin, etorkizunerako pertsonak prestatzen dituen ikastetxea da, aldi berean komunitatearen ongizatea zaintzen duena.

• Euskara eta euskal kultura oinarritzat hartuz, biak ezagutu eta bizi izatearen aldeko lana egitenduen ikastetxea gara. Ikastetxe euskalduna izanik, eleaniztasunaren aldeko apustu irmoa egiten dugu.
• 
  Jatorriz frantziskotarra, eta, ikasle guztiei irekia da, inolako bazterkeriarik egin gabe. 
• 
  Ikastetxe integratzailea eta anitza gara, hezkidetzaren alde lana egiten duena, balio etikoetan oinarrituta, gardena, jasangarritasuna lortzearen alde lan egiten duena, komunitatearen parte hartzea demokratikoan oinarrituta.

1. 1. Gertutasuna eta  elkarbizitza: adimen emozionalaren lanketa

• Ikasle bakoitzaren ezaugarriak kontutan hartuz, bakoitza bere osotasunean garatzen lagunduko duen ikastetxea gara.
• Elkarren arteko errespetua, gogorkeriaren gaitzespena, ingurumenarekiko begirunea sustatuz.

1. 2. Metodologia aktiboak: 

• Hezkuntza integrala sustatzen duen eta gizarte aldakor honetara egokitzeko izaera berritzailea duen XXI. mendeko ikastetxea, konpetentzietan oinarritutako Hezkuntza eskainiz.
• Gizarte berriak erakarriko dituen erronkei aurrera egiteko prest dagoena: gizartearen digitalizazioa, ingurumenarekiko begiruna, jasangarritasuna, berdintasunean, gizartearen aniztasunean, Giza Eskubideen Aldarrikapen Unibertsalean jasotzen diren eskubideak presente izanda.

1. 3. Euskalduna eta eleanitza

• Ardatza euskara izanik pertsona eleaniztunak formatu nahi ditu, hizkuntza propioa eta kontaktuko hizkuntzez gain, hizkuntza batean edo gehiagotan beharrezko ezagutza eta erabilera erdiestea bideratuz.

1. 4. Eskola parte hartzailea

• Herrian txertatua, herrira begira dihardugu, bertako ekintzetan parte-hartzea bultzatzen duena.
• Zarautzen erreferentzia zentroa, identitate propioa duen ikastetxea, aurrerakoia, eta proiektu pedagogiko propioarekin.

Antoniano Ikastetxea Hezkuntza komunitate osoaren ongizatea bermatzen duen ikastetxea da, kalitatezko Hezkuntza eta zerbitzu osagarriak eskainiz.