OROKORRA - Page 10 of 21 - Antoniano Ikastetxea

Uda garaia oporrez gozatzeko unea da, elkarrekin egoteko, eguzki-izpiek gure aurpegia laztantzen uzteko unea, begirada itsasoan murgiltzekoa, hondarretan ametsak irudikatzekoa eta gauetan, izarrei begira etzanda, orainaz jabetzeko unea.  Uda honetan aprobetxa dezagun une bakoitza eta indarberritu gaitezen, iraileko abentura berriei gogotsu ekiteko!

San Antonio astearen barruan emanaldi bereziak ere prestatu ditugu ikasleekin urteari amaiera emateko. Tamalez, aurtengo emanaldiak familiekin zuzenean partekatzeko aukerarik izan ez dugunez, bideotxo hau prestatu dugu etxetik ere goza dezazuen gurekin batera!  Asko gustatzea espero dugu! 

Hemen ditugu San Antonio festako balkoi eta leiho ederrenen lehiaketako irabazleak! Ez da erraza izan erabaki bat hartzea, lan ikusgarriak egin dituzuelako. Zorionak Tatta familiari eta mila mila esker parte hartu duzuen familia guztioi!!!!

Aurten ere banatu dira  Salbatore Mitxelena literatur lehiaketako sariak. Antoniano Ikastetxeko 5 ikaslek jaso zituzten sariak. Zorionak boskote! ·Lucia Berrueta Redondok bere mailako ipuinen 2.saria: “Martinen betaurrekoen bidaia”. ·Maite Beistegui Barandiarenek bere mailako ipuinen 2.saria: “2020”. ·Elaia Garcia Aizpuruak DBHko 1. saria “Joaneko bidaia soilik” ipuinarekin. ·Claudia Garcia Martinez de Ubagok DBHko 3. saria “Nire

Aste guztian zehar ekintza, jolas eta dinamika ezberdinak egin ditugu Ikastetxe guztian San Antonio astea ospatzeko. Ikusi besterik ez dago zein ondo pasa dugun!!   

Atzo, ekainak 13, San Antonio eguna izanik, aste osoan zehar izango ditugun ekintzetako lehenengoa estreinatu genuen “ balkoi eta leiho lehiaketa”. Asko izan zarete zuen etxeko leiho eta balkoiak dotore apaindu dituzuenak eta mila esker guzti-guztioi. Astean zehar irabazlea nor izan de jakinaraziko dizuegu. Gora San Antonio!

Maiatzak 17 “LGTBI fobiaren kontrako Nazioarteko Eguna” ospatu dugu jarduera desberdinak burutuz, disfrutatuz eta ikasleen artean egunaren garrantziaz jabetuz hausnarketaren bitartez. 

Maiatzaren lehen igandean AMAren eguna ospatzen da. Zenbaiten iritziz merkatarien asmakeria soila… hala ote? Iritziak iritzi, gure ikastetxean egun hau ospatzeko ohitura dugu eta maiatza edo lorailaren bigarrenean, AMA guztiak omendu nahi genituzke hemendik. Gora gure lore kuttunak!

Apirilaren 23a, Liburuaren Nazioarteko Eguna… eta ospatu egin dugu, merezi duelako. Liburuak beti ondoan ditugulako… Ez pentsa, ustegabeko fenomenoak ere gertatu dira gaurkoan! Begira-begira bideoan. 

Aste Santuko oporretan egiteko erronka-jolas bat proposatu genizuen eta, beste behin ere, ederra izan da jaso dugun erantzuna, ondorengo bideoan ikusiko duzuen bezala. Parte hartu duzuenon artean kamisetak zozketatu ditugu eta gaur banatu ditugu geletan. Zuen parte hartzea bihotzez eskertu nahi dizuegu. Aupa Antoniano!!!