Culemborg (Herbehereak) hiriko Lek en Linge eskolatik ikasle talde bat eta bi irakasle jaso ditugu gurean aste honetan. Haien helburua, gure eskola eredua ikertzea da eta jasotako ondorioak beraien herrialdera eramatea. Bide batez, DBH4ko ikasleekin egun batzuk igaro dituzte lankidetzan eta elkar ezagutzen.
Eleaniztasuna gure hezkuntza proiektuko xede nagusietako bat izanik, eskolan beti ateak irekita ditugu nazioarteko kideentzat. Horrela, kalitatezko eredu pedagogikoak trukatzeko aukerak bilatzen ditugu, jardunbide egokiak ikasteko eta hezkuntza-kalitatea hobetzeko. Gainera, atzerriko hizkuntzetan hizkuntza-gaitasunak eskuratzea sustatzen dugu, zuzeneko esperientzien bidez.
Nazioarteko ikasketek etorkizunerako oinarriak eraikitzen dituzte eta Antonianon horretan dihardugu egunero.
