Zarauzko kanpo espazio zabaletaz baliatuz, HH4 eta HH5eko haur eta irakasleak Salbideko parkera abiatu ginen. Eguraldi zoragarria lagun izan genuen eta goiza jolasez eta emozioz beteta igaro genuen. Haurrek irribarre artean korrika egin zuten, txirristetan nahiz zuhaitzen artean ibili, autobusa gidatu, itsasontzian arrantzatu eta beste hainbat jolasetan aritu ziren. Hamaiketako goxo-goxoa izan zen atsedenaren unea, ogia eta fruta dastatuz indarrak berritzeko.
Jolasteko garaian agerian geratu zen adin ezberdinen arteko aberastasuna: handiak txikiekin jolastu zuten eta haur askoren laguntzaile ere izan ziren, gora igotzen edo jolas berriak ikasten. Txikiek, berriz, ausardiaz jarraitu zioten handien erritmoari. Horrelako uneetan ikusten da adin nahasketak dakartzan onurak: elkarlana, laguntasuna eta bestearen gaitasunak baloratzea. Naturaren arnasa eta lagunen irribarreak uztartuta, oroitzapen ederra ehundu zuten, bihotzetan luzaro gordeko den goiz batez.
