OROKORRA - Page 3 of 22 - Antoniano Ikastetxea

Iritsi dira aurten ere inauteriak gurera… Mila mozorro, musika eta dantzaz ospatzen ditugu egun hauek. Aurten ere gure Proiektu Izarrarekin lotutako mozorroak sortu ditugu, eta munduko maskara eta koloreekin Zarauzko herrigunea alaitu dugu. Oraingoan ere, Antoniano Ikastetxean herriaren bihotzetik mundura zabalik! Handienek urtero lez Inauteri Show-az gozatu dute. Festa giro ederra izan dugu! #antonianoikastetxea #partehartzailea

“MUNDUAN ZEHAR BIDAIATUZ” da aurten HHn estreinatu dugun proiektu izarra. HHko tripulazio alaiak egin digu ongi etorria eta gure pasaporteak eskutan, bidaiari ekin diogu. Hurrengo bideoan ikus dezakezue zein ederki ibili garen. Lau astez Europa, Afrika, Ozeania, Asia eta Amerika osoan barrena bidaiatuko dugu eta besteak beste: lekuan lekuko ohiturak, fruituak eta animaliak ezagutuko ditugu. 

DBH4ko ikasleok diseinatutako kamisetak eta sudaderak laster jasoko dituzue. Begira zein dotoreak diren!

Antoniano Ikastetxea osatzen dugun Hezkuntza Komunitateko kide guztiok Urte Berriarekin batera zuen erronka eta ilusioak bete daitezen opa dizuegu. Datozen egunotan ere jarrai dezagun elkar zaintzen eta maitatzen! 2024an ere bihotzez lan egiten jarraituko dugu!

Giro ederrean joan zen ostiraleko Save the Children aldeko ekimena: lehendabizi, 16:30etatik 17:30etara, gabonekin lotura zuten eskulanak eta herri kirolak egiteko aukera izan genuen eskolako kiroldegian. Ondoren, arratsaldeko 18:00etan, abiatu zen Guraso Elkarteak antolatutako Save the children martxa txiki solidarioa Zarauzko kaleetan zehar.  ZORIONAK antolatzaile eta familia partehartzaileei! 

Abenduak 15: Eusko Jaurlaritzako Hezkuntza Sailak Bilbon antolatutako Erasmus+ jardunaldietan izan gara lortutako Erasmus+ Akreditazio errekonozimendua jasotzeko. Iaz akreditazioa eskuratu genuen Euskadiko 16 ikastetxeoi harrera berezia egin digute, nazioartekotasuna sustatzeko egindako lana goraipatuz. Antoniano Ikastetxea, mundura zabalik!

Abenduaren 3a, Euskararen Nazioarteko Eguna dela eta, ikastetxean hainbat ekintza burutu ditugu. Ehundaka kantu eta artea euskaraz! Eta noski, txokolateaz ere gozatu dugu. Gozoa delako, 365 egun Euskaraz!!! #antonianoikastetxea #eleanitza #euskerarareneguna #Abenduak3 Hemen duzue bideoa!

Aurten ere azaroaren 25a, emakumeenganako indarkeriaren aurkako nazioarteko eguna ospatu dugu tratu onetan oinarritutako gizarte justua eta parekidea aldarrikatzeko.

Abenduaren 3a, Euskararen Nazioarteko Eguna dela eta urtero bezala, ikastetxean herri mailako pegatina lehiaketan parte hartu eta sari bat lortu dugu. Nora Aranguren, DBH 3. mailako gure ikasleak 3. saria irabazi du. Zorionak Nora!