HH - Page 2 of 24 - Antoniano Ikastetxea

Etxeko txikienak poliki-poliki egokitzen ari dira eskolako ingurune berrira. Irribarre bat, negar xamur bat, bestetan isilune goxo bat…eta gure presentzia leuna euren ondoan, adi eta lasai; goxo gaude. Ez dago presarik; haien martxara goaz, bakoitzaren neurrira. Pausoz-pauso, elkarren ondoan.

Zarauzko kanpo espazio zabaletaz baliatuz, HH4 eta HH5eko haur eta irakasleak Salbideko parkera abiatu ginen. Eguraldi zoragarria lagun izan genuen eta goiza jolasez eta emozioz beteta igaro genuen. Haurrek irribarre artean korrika egin zuten, txirristetan nahiz zuhaitzen artean ibili, autobusa gidatu, itsasontzian arrantzatu eta beste hainbat jolasetan aritu ziren. Hamaiketako goxo-goxoa izan zen atsedenaren unea,

“Zarautz ezagutzen” proiektuarekin aritu gara gelan eta, ikasitakoak bertatik bertara ikusteko, txangoa egin dugu herrian barrena. “Marco Topo” jolaseko galderak erantzunaz gune ugari bisitatu ditugu: Portua, Narros jauregia, Parrokia, Arrosategi parkea, Merkatua… Eguraldi zoragarria izan dugu eta bikain pasatu dugu!

Haur Hezkuntzako 4 urtekoak Aquariumerako irteera zirraragarriaz gozatu dugu, “Itsasoa” proiektuaren barruan. Aukera paregabea izan da ikasleak itsas mundura modu bizigarri eta esanguratsuan hurbiltzeko. Bisitan zehar hainbat itsas espezie ikusi eta haien habitatari, elikadurari eta ozeanoak zaintzearen garrantziari buruzko bitxikeriak ezagutu genituen. Ikasleek gogo handiz parte hartu zuten azalpenetan eta animaliekiko jakin-min eta errespetu handia

Eguraldi ona aprobetxatuz, 3 urteko gelako umeak jolastera atera gara patioara, eta oraingoan, ur-globoekin dibertitzeko aukera izan dugu! Egun eguzkitsu batez, urarekin jolasean ibili gara, barre algarak eta mugimendua nagusi izan direlarik. Umeek gogotsu parte hartu dute, globoak botatzen, harrapatzen eta lagunekin partekatzen, betiere giro seguru eta zaindu batean. Jolas honek, dibertigarria izateaz gain, balio

Naturarekin harremanetan egoteak eta aire librea arnasteak gure txikien jakin-mina pizten du! Etengabeko esploraziora, mundua deskubritzera eta mugimendu librera eramaten gaitu, haurrek modu naturalean ikas dezaten.

Errutinak segurtasuna eta konfiantza ematen die haurrei. Denboran kokatzen eta ondoren zer etorriko den ulertzen laguntzen die. Autonomia garatzen eta ingurunea arakatzen laguntzen die. Errutinen bidez, harremanak sortzen, itxaroten eta txandak errespetatzen ere ikasten dute.

Oraingoan, Etxarri-Larraun herrian dagoen Arotz-Enea baserrian izan gara HH 5 eta LH 1eko ikasle eta irakasleak. Bi egun egin ditugu bertan, eta inguruneaz eta baserriaz gozatzeko aukera eman digu horrek. Ikasgelako ohiko jardueretatik kanpo, naturaz inguraturik, elkarbizitza jarduera ederra igaro dugu, benetan; mendi-ibilaldiak, tailerrak, gau magikoa… Denetarik izan dugu!

Haur Hezkuntzako 4 urteko haurrek zentzumenak esploratzeko tailer bat egin dute. Jarduera honetan zentzumen bakoitza modu dibertigarri eta sortzailean lantzeko aukera izan dute. Dastamenerako, hainbat fruta dastatu dituzte, zapore eta testura desberdinak ezagutuz. Usaimenaren kasuan, askotariko fruta-aromak usaindu dituzte, usain bakoitzak sentiarazten diena gogora ekarriz. Entzumenari dagokionez hainbat musika-tresna jo dituzte, entzumena eta erritmoa garatuz.