Icon Image

EUSKALDUNA ETA ELEANITZA

Euskararekin tinko konprometituta gaude
Hizkuntzen irakaskuntza ardatz dugu, euskara abiapuntutzat hartuz, mundua eskura izan dezagun.
Image

Gure helburu nagusien artean dago euskara eta euskal kultura bultzatzea eta indartzea. Horregatik, Antoniano Ikastetxean hizkuntza normalkuntza ahalbideratzeko ahaleginean gabiltza Ulibarri programa sortu zen urte beretik. Alegia, hizkuntzaren egoerak kezkatuta hizkuntza komunitatea (guraso, langile, begirale, ikasle…) osatzen dugun guztien arteko harreman-bizitzan eragile izan nahi dugu, harreman hauek euskaraz izan daitezen. Gaur egungo gizarteak baina hiztun eleaniztunak sortzea eskatzen digu eta gure ikastetxeko Hizkuntza Proiektuan hizkuntza guztiak (gaztelania, ingelesa, frantsesa eta latina) hartu ditugu kontuan. Bertan zehaztu ditugu zenbat ordu eskainiko dizkiogun bakoitzari, zein hizkuntz profil lortu behar duten DBH amaitzean eta zein metodologia erabiliko dugun horretarako eta abar.

Hona hemen gure hizkuntza proiektu sendoa eta Xirimiri bat egitasmo aurkezpena.

  • Ingelesa urte 1etik eskaintzen dugu.
  • WIE (Week Immmersion in English). LH 5 mailako ikasleekin, bost egunetako, ingeleseko hizkuntza murgiltze programa.
  • Cambridge ESOL azterketa ofizialak egiteko aukera dute ikasleek.
  • Nazioartekotasunari eta beste kulturen ezagutzari garrantzi handia ematen diogu, horregatik Frantsesa ikasten duten ikasleek DBHn elkartrukea egiten dugu Frantziako ikastetxe batekin.
  •  
  • – Erasmus + ikerketa proiektua, Holandako Leiden herriko Visser’ t Hooft Lyceum eskolarekin elkarlanean. Proiektu honetan hurrengo bi urteetan hartuko dute parte DBH4ko ikasleek.
Icon Image

ERASMUS+

Image

Azken urteotan eleaniztasuna eta ikastetxeko nazioartekotasuna sustatu ondoren, Antoniano Ikastetxean beste aurrera pausu bat eman nahi dugu. Horretarako ikerketa egitasmo batean murgilduko gara, Holandako Leiden herriko Visser’ t Hooft Lyceum eskolarekin elkarlanean.Proiektu honetan hurrengo bi urteetan hartuko dute parte DBH4ko ikasleek.

“​Bat Bi Three: Researching European Linguistic Heritage: Basque and Dutch Bilingualism​” izeneko egitasmoak Europako bi errealitate elebidun ezberdin ikertzea du helburu, bien arteko ezaugarri komunak aztertuz eta diferentzietatik ere ikasiz. Gure ikasleek hizkuntzek Europako ondare kulturalean duten garrantziari buruz hausnarketa egingo dute, eta euren konpetentzia linguistikoak zein komunikatiboak sendotu egingo dituzte.

Egitasmo honek Europako Komisioaren oniritzia merezi izan du, eta ​Erasmus+ diru laguntza eman digute. Gipuzkoan 4 ikastetxek soilik jaso dugu laguntza hori; horri esker, Holandako aipatutako ikastetxearekin elkarlanean jarduteko aukera izango dute gure ikasleek. Proiektuaren baitan, eskolen arteko elkartrukea ere egingo dugu.

Icon Image

ELKARTRUKEA FRANTZIAN

Image

Eleaniztasuna helburu estrategikoa dugu, eta elkartrukeak aukera ezin hobea da ikasitako frantsesa praktikatzeko. 2010 urtean hasi ginen Antoniano Ikastetxean Bretainiako Saint-Blaise eskolarekin frantses-elkartrukea burutzen. Hurrengo urteetarako hainbat ekintza antolatuta dauzkagu frantziako ikastetxe ezberdinekin. 

Helburuak

  • – Frantses hizkuntza praktikatzea.  
  • – Frantziako kulturan murgiltzea.
  • – Europako beste gazteekin elkar bizitza suspertzea.
  • – Elkarlanean jardutea.
  • – Gazteen autonomia eta garapen pertsonala indartzea.
  • – Giza baloreen garrantzia azpimarratzea.
  • – Ikasgaien arteko proiektuak garatzea (hizkuntza, IKT, teknologiak, gizarte).

Jarduerak

  • – Komunikazio digitala.
  • – Irteerak : ekintza ludiko-kulturalak.
  • – Kirolak.
  • – Tailer ezberdinak.
  • – Klaseak.
  • – Familiekin elkarbizitza.