LH - Page 4 of 12 - Antoniano Ikastetxea

LH4ko ikasleok eskola-baratza martxan jarri dugu neguko barazkiak landatuz! Badakizue zer den brokolia, azalgak, azak, baratxuriak hazten ikustea? Hori ikasten ari gara! Goazen hauek ulertu eta maitatzera! Ziur hauek zainduz uzta ederra lortzen dugula!

Aurten berriz ere ekin diogu WIE (Week Immersion in English) proiektuari! Ikastetxeko LH5. mailako ikasle eta irakasleak Hondarribian ditugu aste osoz. Helburuak garbi ditu eskolak: ingelesean sakontzen jarraitzea, ikastaldeak kohesionatzea, tutorearekiko harremanak sendotzea eta gutako bakoitzaren konpetentzia orokorrak garatzea. Zoragarria ari da izaten, oso aberatsa zentzu guztietan, eta primeran ari gara pasatzen, eguraldia ere lagun

Ikaslearen garapen integrala sustatzea helburu dugularik, hasi gara jarduerak lantzen, NOR NAIZ NI? atalari heldu diogu, sentitzen dugunari izena jarriz, norbere emozioen kontzientzia hartu eta emozio horiek kudeatzea lortzeko. Bi dinamika landu ditugu: emozioen kutxa eta emozioen marrazkia. Meditazio lasaigarri batekin bukatu dugu saioa. Ikasle eta irakasleak gustura aritu dira! Luzea da bidea… bagoaz!

Atzoko goizari hasiera paregabea eman zioten hirugarren mailakoek: txurroak eta txokolatea egin… eta gosaltzera!! Malekoiko La Perlako terrazan itsasoari begira egotea ederra benetan! Mila esker Patricia eta Jorge!    

Aurtengo egoera berezia kontutan hartuta eta AG21eko gaia BASOA izanik, ibilaldi aproposa aukeratu genuen bertara joan eta zentzumen guztiekin disfrutatzeko: MUTXIOKO PARKEA. Arratsalde zoragarria igaro genuen! begira, begira…

Zoriontsu gaude, “Tio Teronen semeetako” 3 ikastetxean izan ditugulako aste honetan! LH6. mailakoekin aritu dira “Art-Hezkuntzak” dantzari eskeini dioten proiektuan. Eta atzo… DBH4ko bi ikasle ere hip-hop irakasle bihurtu ziren! A zer plazerra! Mila mila esker denei!

Hirugarren mailan idazketan trebatu eta irakurzaletasuna sustatzeko proiektua aurrera  eraman dugu. Bertan, ikaslearen arreta erakartzeko, liburutegira eta kalera joan gara, irakur jolasak egin ditugu eta ipuin musikatuak sortu. Irudimen handikoak garenez, oso politak gelditzeaz gain, ikaragarri gozatu dugu!!! 

“Zaindu gorputza” proiektuari amaiera emateko, “Aibak”- eko Haizea izan genuen eskolan. Elikagai osasuntsuak eta kaltegarriak bereizten aritu ginen hasieran. Ondoren jangelan, azukrerik gabeko “Mug cake” edo madalena bat egin genuen. Errezeta osasungarri gehiago ere eman zizkigun eta horiek etxean probatuko ditugu, bai horixe!

Martxoaren 26an, LH6ko ikasleak 2. hiruhilekoari amaiera emateko Iturraranera egun pasa joan ziren. Primeran pasa zuten, bideoa ikustea besterik ez dago! 

Aurreko astean LH 2. mailako ikasleok goiz pasa ederra egin genuen Zarauzko leku ezberdinetan. Astira joan, han hamaiketakoa jan, jolastu eta azkenik malekoitik buelta egin genuen. Primeran ibili ginen!